قـــائـــد بـــطــــل----بقلم عبد الله البرغوثي
مَرّة المَجَد طِلع وعِمِل مِشوار/// وهَدّى جْناحو بكُل أرض وطار
تَيجيب صورة بِالشَرِف أرفَع////// تِبقى في بِروازو رَمِز تِذكار
فَتّش بِكُل الكون وتطَلّع ////////// ما لِقي صورة تليقبو وإحتار
قَلّو يا برواز إستِحي وإقنَع/////// في صورة فلسطين مهما صار
صورة رَسَمها العِز وِتْوَزّع/////// فيها وسَكَب ألوان طَيْفُو ودار
صورِة شَعِب جبّار ما بْيِركَع////// صامِد بوِحدِة عَزِم وبإصرار
صورِة رِجال مخَلّدي بتصنَع////// بخلودها ذات الدرب ثوار
صورِة الإم إل عينها بتدمَع/////// عا إبنها إللي سرقَتو الأقدار
صورِة صبايا بمَرجَلي أشجع///// وِقفَت بِوِجه الغاصِب الغدّار
صورِة لَقائِد بطِل عم تِلمع//////// زرعَت على جبين الفخِر أنوار
قائد بأفكارو سَكَب منبَع////////// يُذرُف تَحَدّي عا خطوط النار
ربّى شموخ أبطال بالموقَع/////// صَب الشجاعة في حُماة الدار
ضحّى بحَياتو تالوطن يرجَع////// يُركُض بِحُرِية شمس النهار
قائد بطل إسمو الزمن بطبَع////// ع جبين نجمات السما والقمار
إسمو أبو عمَّار ما بيوقَع//////// منّو حَرِف واحَد ولا بيِنهار
إسمو بِقلعة حجارها أمنع/////// ما تزَعزَعوا رغم الغدِر الحجار
إسمو بشَجرة ما قِدِر يقلَع/////// إلها وتِعِب زِندو وهِلِك الإعصار
بقلوبنا إسمو إلو موضَع //////// من دَمّنا عالإسم صِرنا نغار
الله يِرحَم قائِد تجَمّع////////////// في ظِل فَيّاتو كبار صغار
راح وترَك كِلمات عم تزرَع////// قوة وصمود بخُطوِة الأحرار
والأرض مطرح ما المجِد طبّع//// ومَطرَح ما شَتل العِز عم يطلَع
مَر ودَعَس فيها أبو عمّار
_________________
تحياتي:
العقول الكبيرة تبحث عن الأفكار..
والعقول المتفتحة تناقش الأحداث..
والعقول الصغيرة تتطفل على شؤون الناس..
مدونة /http://walisala7.wordpress.com/
أمس في 12:24 من طرف رضا البطاوى
