طرد الهوى مافيه غير البـلاوي
عنوانه الاكبر لك الله مصايـب
راعيه مثل اللي بمالـه غنـاوي
من عقبها روّح حلاله خرايـب
والا الحكيم اللي من العقل راوي
وشوي شب الهوش بين القرايب
والا الاديب اللي بزين الحكاوي
يومين والثالث يشـب الطلايـب
راع الهوى كنه زبون القهـاوي
كداد خـط ولا لقالـه كسايـب
العشق ماله حل مالـه مـداوي
حتى لو قلتـوا ترانـا حبايـب
احذر منه ياللي من الناس غاوي
العشق ملعون الثوا والصلايـب
لا لا تروح هناك وين انت ناوي
هاذي سوالفهم عليهـم عقايـب
وراحت مشاكلهم بكل النحـاوي
لو كان في حله بسيط السبايـب
قلته وانا قلبي من الحب خـاوي
مرتاح من كثر البلش والنشايـب
أمس في 11:44 من طرف رضا البطاوى
