قصيدة حزينة

دمعي سرابي واصدر القلب ونـات
يعرف بها راعي الشقى ماابتلانـي
أجمع جروح القلب وازداد كيــــات
مظلــوم لكــن من يحاكم زماااانـي
بترجم أحزانــي علــى شكل أبيــات
يعقــل بها المجنــــون ويجن ثانــي
ماني معارض للقدر والقــــدر آت
لكـــن زماني شح واصبح أنانـــــي
الموت يأخــذ يابشــر دوم بسكـــات 
يأخذ ولكــــن غيره إلــــــي يعانـــي
كم حاجةٍ تطري علــى البال ماجات
لو هــي بكيفي والله اليــــوم مانــي
في ذمتي لوهي على الكيف مامات
لأفديه روحــي واتركه يعيش ثانـي
لأن الحياه بــدون ذكـــره نهايــــات
ولأنــي بديت أحس بإحساس ثانــي
قلبن جمـــع في داخله هــم وآهـــــات 
من يجمــــع الثنتين ياناس فانـــــي
وختامها بسجد وبدعي بدعـــــــوات
يدخلـــــه ربــــي جنته في ثوانــــــي