مارأيكم بمسلسل باب الحارة؟؟؟؟

الموضوع مبين من عنوانه
حابة اليوم يكون نقاشنا عن مسلسل باب الحارة
إذا في شوية اخطاء نحويه لا تهتمولها!!!!!!





يعني النقاش رح يدور حول شخصيات هذا المسلسل

وهل وجود ابو شهاب كان جميل بالمسلسل

وهل المسلسل فقد كثير من مشاهديه بعد غياب العديد من شخصيانه المهمه متل ابو شهاب وابو عصام وابو غالب.....

وهل نهايات هذا المسلسل كانت جميله بكل أجزائه

ومن هي اكثر شخصية اعجبتك بالمسلسل

هل ندمت على مشاهدته وتضييع وقتك عليه




*

وانا كتبتلكم هاد الموضوع بعد ما شاهدت الحلقة الاخيرة من الجزء الرابع

انا برايي انه مسلسل بدون نهايه

وشخصيات المسلسل قالبينها جد بفكرو حالهم عن جد مقاتلين ما عم يمثلو وخصوصا ابو حاتم

وكمان هاد الجزء بالتحديد كان كثير متأثر بأحداث غزة يعني من جهة نفق تحت الأرض ومن جهة تانيه مقاتلين واسرى وشهداء وجواسيس

يعني المسلسل حسيته تصوير لبعض مشاهد الحرب على غزة

وكمان هاد المسلسل كثير مسح شخصية المرأة لانه ما كانت شغلتها بالمسلسل الا تطبخ وتغسل وتجلي و ...و....الخ

وما الها رأي بالمرة ولا كأنها موجودة بمجتمعهم




وأحلى شخصية كانت بالمسلسل النمس لانها شخصية مضحكة وجذبت كتير من المشاهدين للمسلسل بعد ما بطلو يحضرو بسبب غياب الشخصيات الرئيسية

هلا والله حي الله اي والله

هههههههه

وكمان شخصية ابو محمود الختيار كانت حلوة.........قررررررررررررررررررربت
وعلى فكرة هاد الختيار بكون ابو للمخرج بسام الملا




*

يلا شاركونا النقاش

اهااااا
صح كلامك لانو في الحصار و الدخول على باب الحارة و التفتيش

هو بالنسمة للمسلسل كان في جزء من الالغاز تركوها للمشاهد ليفكر فيها
يعني من ناحية اختفاء ابو شهاب وما بعرفوا عنو شي ومن ناحية بعض الاقاويل انو ابو عصام بيرجع
ولغز كلمة قرررررررررررررربت يلي بيقولها ابو محمود
وكان هدف من اهداف المسلسل اخد بعض الاشياء بتمتلها عن حرب غزة لحتى تلفت نظر المشاهد وهالشي صار ما كان اغلبنا يقول متل ما عملنا بالحرب
وصحيح هما اخفوا شخصية المرأة لكن هاااااااااااااي كانت حقيقة من الزمن يلي بيمتلو هلأ
كانوا بيحكوها عيب انها متلا المرأة تطلع تجيب شي شغلة ةفي راجل بالبيت هدا مجرد متال
ومشكورة روعة
يعطيكي الف عافية
تحياتي لإلك البرنسيسة

لو خيروني مين افضل الممثلين اداء؟؟

راح تلاقيني اخترت النمس

ثم ابو بدر

ثم زهير رمضان "ابو جودت"

هههههههههههههههههه
صلاح بتسدق ما بحب النمس
انا لوقالولى مين اكتر واحد بتحبيه
طبعا جوابي
ابو الرجوله معتز

هوا يا احمد بس الجزء الرابع اللي بين في دور المرأة
يعني عندك الجزء الاول والتاني ولا شي
فقط للاعمال المنزليه
وغير هيك يعني كان دورهم بالجزء الرابع خيالي
يعني ولا عمرها سارت ولا حتسير


مشكورين جميعا ع تفاعلكم
واللي بحب يعرف الشخصيات اكتر الليلة في مقابلة مع بعض شخصيات المسلسل على قناة المنار

اممممممم

و الله يا روعه من يوم ما انسحب الممثل عباس النوري اشطبي ع المسلسل


يعني اول جزئين و انسي الي بعدو


و النمس الله يئطع عمرو ما ازنخو

..انا ما بيقل عقلي اتابعها بلمره

...

بالنسبة لمسلسل باب الزريبة (باب الحارة) انا ما بحبه لكن لا حول ولا قوة الا بالله العلي العظيم ما في مسلسل معين حلو ومعتبر يخلي الواحد يهتم اله الا مسلسل باب الزريبة ومسلسل تاني (ام البنات ) على قناة ابو ظبي ،يعني باب الزريبة احسن من غيره ،اما بالنسبة للشخصيات ما في شخصية معتبرة دخلت مزاجي غير شخصية ابو صياح ثم شخصية ابو بدر الذي اضاف شيئا من الفكاهة للمسلسل وشخصبة النمس بعد فتور شعبية المسلسل ،أما شخصية (ابو ضراط) ابو شهاب فهو متملق ومتبجح وانا لا احبه ،كما ان احداث المسلسل لم تقف عند كونه يتحدث عن صفات اهالي الشام الجميلة كالشهامة والكرم وخلافه بل امتد ليتخطى كل الحدود ويسيس ويضاف اليه احداث كخطف الجنود وحفر انفاق وخلافه واقتحام الحارة وتفتيشها

بتعرف مراد أحلى اسم لباب الحارة هو باب الزريبه
لانه فعلا زريبه كلهم متل الغنم
هههههههههههههه


مشكورين عيون ومراد على مشاركتكم الحلوة

يا هلا روعه بس ممكن طلب؟؟؟؟؟


طلب من روعه يعني


ممكن نتعرف يا روعه ؟؟؟؟ههههههههههههههههههههههههههههه

مراد حلوه منك باب الزريبه عجبتني ع الاخر
ههههههههههه

....في مسلسل اسمو رجال الحسم اجا ع ابوظبي

صبابا هالمسلسل بيحكي قضيه اليهود لما نزلوا ع الجولان انا حضرتو ..


ازابدكم تحضروه خبروني ههههههه


....يسلمو روعه

طبعا ممكن عيووووووون
هههههههههههه


مسلسل اهل الراية كام حلو
هو برمضان الماضي انعرض بس مسلسل حلو
والاحلى منه اغنية المقدمه

]ا جماعة انا عن نفسي لما بحكم على المسلسلات

باحكم عليها من ناحية الاداء

اما من ناحية الموضوع

فكل المسلسلات السوريا تحاول

ان تمارس علينا وطنية مصطنعة

ليس لها ادنى تطبيق على ارض الواقع

وكفانا تصدير وطنية كذابة