ياكيف ما نجتاز صدمة هالغياب وكل ابونا فراق
ياكيف ما نصبر على ظلم الزمان وكلنا قاسـي
هديتيني الخيانه ليه واحنـا بوسطنـا عشـاق
سؤال(ن) كسر ضلوع الصبر ويقطع انفاسـي
تعالي واقري حروفـك تغطـي معظـم الأوراق
معانيها تناديلك يا عمـري ويـا بعـد ناسـي
تردين بألم يحرق مسامـع مهجتـي احـراق
خيانه في خيانه فـي خيانـه شيبـت راسـي
تروحيـن وتخونينـي وتبينـي للقـا اشتـاق
حقيره يوم فكرتي بلعبـك تهدمـي احساسـي
رسمتك للهنا معنى رسمتك ضحكـة الأشـراق
ورسمتي للغدر فيني مآآسي وابتـدى ياسـي
تعالي علميني شستفدتي يوم صـدري ضـاق
ابعرف بالخيانه سر قلبـك ليـه مـا يقاسـي
تعالي وافتحي صدري وشوفي داخل الأعمـاق
وفا يبكي .. غلا ميت .. وقلب لحلمه يواسـي
تعالي شوفي اوضاع السهر وشلون ما تنطـاق
تعالي شوفي شلون الهمـوم تحـارب نعاسـي
تعالي شوفي شلون الحـزن استقبلـه بعنـاق
اضمه غصب عن عيني ودمعي بل قرطاسـي
ياقلبي كم زرعت من المحبه والحصـاد فـراق
تعلم من حصاد الأمس كيف اليوم مـا تقاسـي
ياقلبي عيش بالدنيا بلا حـب وبـلا اشـواق
فراق(ن) يرسم البسمه ولا اللي تقتل احساسي