أبو أحمد :صباح الخير يا جاري تعا تنقعد على باب داري ...نتشمس أنا و ياك تقول أخبارك و أخباري
أبو محمود :يا جاري منك زعلان و ما خد على خاطري كمان ...لا بدي أقعد معاك و لا نسولف زي زمان
أبو أحمد :شو الي جرى وشو الي صار يا أبو محمود يا أحسن جار ...هالكشرة على وجهك مش بالعادة يا مختار
أبو محمود :يا أبو أحمد بص حواليك شوف المي تحت رجليك ...المي من خزانك بتسيل و الله بتعبي براميل
أبو أحمد :شو مالك يا أبو محمود هدا الي مزعلك مني ...هادي حاجة بسيطة يا أخي اصفه عني
أبو محمود :و على باب دارك سيارة و ميتك بتجري بالحارة ...عامل منها شطارة و تضيع هيك يا خسارة
أبو أحمد :يا أبو محمود يا أحسن جار كلامك عالعين و الراس ...ضروري نحافظ على المي وما نبذر منها و لو كاس
أبو أحمد +أبو محمود :ضروي نحافظ على المي وما نقطر منها و لو كاس
أبو محمود :و انتوا اسمعوا يا حاضرين هذه نصيحة مني ضروري نحافظ على المي و ما نقطر منها و لو كاس
أبو أحمد :و دخلك دخلك يا خي دير بالك على المي ...المية نعمة الله نزلها عالبرية
المية نعمة الله نزلها عالبرية