.........فلسطيني ممنوع تعيش .........

قالولك أسكت ما تحكيش
انت خلقت للتلطيش
للحواجز للمعابر للتفتيش
كتبوا على جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك يوم
اوعك بيوم تشوف النور
ممنوع تجدد هوية
ممنوع تجدد بسبور
فلسطيني لازم تتعلم
هاي شغلة ضد الدستور
فلسطيني لازم تتألم
من دون ما يشوفك دكتور
فلسطيني ممنوع تنظلم
و لا يطلع في جناحك ريش
فلسطيني ممنوع تعيش
فلسطيني بكل المطارات
اسمك بالأحمر مكتوب
و على شباك مصلحة الجوازات
كتبوا على جبينك مطلوب
لازم تتوقف ساعات
مذنب أو من غير ذنوب
و يتوجه الك اتهامات
انك سبب كل الحروب
و كأنه بسبك الحق مات
و العدل بأرضك بأرضك مسلوب
و كأنك سبب النكسات
و كل أزمات الشعوب
و كأنوا بسببك مجرم فات
على جنين بلحظة الغروب
و ذبح صبيان و بنات و
عجز على أمرها مغلوب
مع الله الحقيقة
أنا الي بالدنيا الضحية
عملتوني مادة للغنية
و قضية للي ما عنده قضية
أنا الي راسي ما انحنى
بوجه الريح القوية
أنا شعبي الي صمد
في الضفة و الرشيدية
أنا شعبي الي أنتفض
و بحجر حارب دورية
و اليوم و بكرا و للأبد
عنا كلمة و حدة و هيا
فلسطين عربية ...و راح تبقى عربية ...و راح ترجع عربية

والله فلسطيني ممنوع يعيش

بس رغم الصعاب بنعيش

والف شكر الك علا

مشكور ابو فادي على هالردود و يسلمووووووووو و الله الف شكر الك

العفووووووووووووووو


ولو هوا انتي عندي برد وبس

يسعدك علي جهودك يارب