كلام كل يوم منسمعو غريــــــــــــــب

في اسئلة بديهة ما الها داعي بنسمعها كل يوم من الاهل والاصحاب
تعالو خلينا نشوف امثلة:

انت بغرفتك وقاعد على التخت ومغطي حالك بالحرام ومطفي النيون بدك تنام
بيجي عليك اخوك الخفيف وبحكيلك:
شوووو بدك تنام؟؟؟؟؟
((بعتقد انو هاي مش وضعيت الرقص!!! واضح اني بدي انام))
****************
معزومين عند ناس ورحتو عليهم عليهم على الدار وأول ما وصلتو فتلحكو ابنهم لصغير وحكا:
ياي انتو اجيتو!!!!!
((لأ بعدنا بالدار))
***************
والعكس انتى لابس ومزبط حالك وعلى سنجة عشرة وعلى راسك كيلو جل وريحة العطر لأخر الشارع
بدك تفتح الباب وتطلع, بيجي اخوك نفسو بيسألك:
شو بدك تطلع
((لأ هسه أجيت))
**************
أو مثلا على السبعة الصبح راكب السيارة وشغلتها وبدك تروح على الشغل
بيركض عليك بواب العمارة وبطبل على الشباك
انتى بكل زوق بتنزل الشباك وبتسألو: خير في اشي؟؟؟؟
بحكيلك انتى راح على الشغل؟
لاء مشتاء لسيارة ))
***************
أو ماسك الكتاب وفتحتو بدك تدرس((أول مرة)) وسميت بالله وبلشت تدرس!!
الرايح والجاي بالدار بسألوك: شو يا بدك تدرس!!
((فأنتى بتزت الكتاب من أيدك وبتحكيلهم لألألألألألألألألألألألأ))
***************
الله هداك وماسك المسبحة قاعد بتسبح بيجي عليك أخوك نفسه وبيحكيلك:
واووووو شو بتعمل ؟؟؟؟ بتسبح؟؟؟
((لأ ...... بدي افرطها وأسلقها))
**************
ولا تعالو شوفو قنواتنا وأسئلتهم الغبية:
برنامج أغناي وأهدائات بيتصل واحد بطلب أغنية
بترد علييه الست الكتكوتة(( المذيعة)) : انتى بتحب الاغنية ولا ايش؟؟
(( لا والله طالبها عشان دمر!!!))
*************
والأسخف من كل أشي اللي بيصيبك بالشلل:
لما على قنات mbc3 بيحكي ولد بـتسألو المذيعة(( نفس المقدمة ببرنامج الاهدائات))
بتحكيلو أنتا بتحب ماما وبابا!!!
((يعني اساسا الولد لسه ما طلع من البيضة علشان يحكي لأ))