كرات الثلج

زاااااااااكي وبيجنن مع القهوة
هوة قريب من الغريبة بس كان خرافي من قد ما بيدوب في الفم
وطريقته كتير بسيطة ومقاديرها قليلة

للمقادير
2 كوب طحين
220 غم زبدة
ربع كوب سكر بودرة
تلتين كوب لوز محمص ومطحون
رشة ملح

الطريقة كالتالي
بنخفق الزبدة مع السكر لحتى يصير شكلها كريمي

بعدين بنضيف عليها الطحين ورشة الملح وبنخفقهم

بنضيف
اللوز اللي بنكون حمصناه لحتى يشقر وتطلع ريحتو الحلوة وبنتركه ليبرد
وبنطحنه في مطحنه البهارات مع ملعقتين طحين من المقدار اللي عنا وبيصير
بهالشكل

بعدين بنضيفه على المزيج السابق وبندعكهم شوي مو كتير وبيصير عنا بهالشكل

نحط العجين في كيس بالتلاجة شوي لحتى يتماسك ويسهل علينا تكويره
بعدين بنعمله على شكل كرات وبنحطه بصينية وبترك مسافة بين كل كرة والتانية

بنحطها بالفرن على حرارة 200 لمدة 15 دقيقة بس لحتى تحمر جوانبها
مش لازم تتحمر بيضل لونها على طبيعته
وبس تطلع وتبرد بنرشها بالسكر البودرة
وطلعت فعلا بتدوووووووووووووووب بالتم ونكهتها روووووعة

وهي شكلها النهائي

اذا حبيتوا تجربوها بنصحكم تستعملوا نوع جيد من الزبدة انا متلا استخدمت لورباك
لانه نكهة الزبدة بتفرق كتير

بتمنى تجربوها ورح تدعولي ان شاء الله
سلامااااااااااااات

يسلمو زهرة المدائن.ما تحرميني من وصفاتك دايما.ان شاالله بجربها

الف شكر الك
زهرة
على الاكلة الجديدة
يالله اعمليها واحنا جاهزين للاكلى
هههههههههه
يسلمو على الموضوع ودمتي للبيت واهله

_________________
تحياتي:

العقول الكبيرة تبحث عن الأفكار..

والعقول المتفتحة تناقش الأحداث..

والعقول الصغيرة تتطفل على شؤون الناس..

مدونة /http://walisala7.wordpress.com/