حبيت أقدملكو حوار عائلي و ديموقراطي

الأب مخاطب الأبن :تعا و لا
الابن و بكل براءة:نعم
الأب :نعامة ترفسك ...تعا و لا لهون
الابن ليش شو سويت؟؟
الأب:سواك ضريب يخلع رقبتك
الأبن :شوفيه؟؟
الام:شاوي يشوي عضمك ... رد على ابوك بأدب و لا
الابن : هو أنا حكيت شي
الأب: حكحكوا جنابك بعصاية أوقف متل العالم يا حيوان
الابن: حاضر
الام:بحضروا على قبرك انشالله لما ابوك بيحكي انت بتخرس
الابن:اخرس؟؟؟
الأب:ايوة ان شا الله خرسة
الابن :ماشي
الام:أجاك مش بركبك ما تقوم منه ان شا الله
الابن:مش ؟؟؟ شو هاد المش
الأب :اما انك قليل حيا ... و بترد على امك كمان ؟هات العصاية و تعا و لا
الابن : أنا رديت على امي ؟؟ ماما احكي كلمة
الام :مش يمزع نيعك و لا .. صحيح انك قليل حيا
الابن: الان اصبح مغلوب على امره و مو فاهم شو الموضوع و سكت
الاب:اما جيل قليل الحيا .. احكي و لا ليش انخرست
الابن :شو احكي .. ادا حكيت بتقولو عني قليل حيا و ما بتشوفني غلط
الام:حية تقرصك ان شا الله قلتلك تأدب و انت بتحكي مع ابوك
الاب: شلون يعني بتشوفني غلط شايفنا عميان و لا حول
الابن:لا اله الا الله
الام :الله يا خدك ان شا الله ... يا ريتني خلفت ابن الجيران و لا انت
الاب: انا مالي عرفان هدا الولد ايميتا بده يصير زلمة
دايما فاضحني بين الرجال
الابن: طيب شو اعمل مشان تشوفني زلمة ؟؟
الاب:قلتلك و لا اخرس
الابن : يا الله الله يا جماعة شو فيه ؟؟؟
الام: صحيح انت ليش ناديت على الولد
الاب: بتعرفي يا مرة انسيت ... نساني شو بدي منه هالكلب
الاب: خلص روح ارجع على غرفتك يا با

ههههههههه

الموضوع حلوووووووووووا اكتير

الف شكرا الك شجون

بس انا متاكد اكتير بتصير معنا

الف شكر لالك
على مروروك و تعليقك
بس مو لهدرجة الاباء ما بيعملو هيك

ههههههههههههههههههحلو هيك حوار علا يسلموا ايدي  ويدوموا مواضيعك الحلوة

اما حوار ديمقراطي بشكل رهيب

ههههههههههههه

مشكوره كتير علا يعطيكي العافيه

مشكورين على ردودكم و مروركم الكريم
بس ما بتوقع في هيك شي
هاي نكتة بس
ههههههههههههههههههههههههه

مشكووورة
كتير على هالحوار
وهي مش نكتةلكن في بعض العائلات بتعمل هيك
وإلا الكاتب ما كتب هالموضوع
اكيد هذه ظاهرة اجتماعية موجودة
ههههههههههههه