معكرونة بالجبنة والخضار

مرحبا يا جماعة
يعني بصراحة بتقدروا تحكوا انها الطبخة الوحيدة اللي بعرف اطبخها بالتمام

معكرونة بالجبنة والخضار
المقادير:
معكرونة صغيرة
3 حبات بندورة طرية
3 جزرات
حبتين فلفل حلو
علبة فطر
بصلة وسنّين توم
بكيت رب البندورة
ملح وفلفل اسود وبهارات وقرفة
جبنة موزاريللا

الطريقة:

بنسلق المعكرونه وبنضيف لماء السلق ملح وزيت قلي

بنحضر الخضار بنقطع الفلفل والجزر والفطر قطع متوسطة مائلة الى صغيرة وبنفرم البصلة
على المبشرة بنبشر التوم
وكمان على المبشرة بنبشر البندورة من غير القشرة
بعدين بنحط طنجرة فيها زيت قلي على النار لما يسخن بنضيف البصل والتوم
لما يحمروا شوي بنضيف الفلفل الحلو والجزر والفطر
لما يستووا شوي بنضيف البندورة المبشورة ورب البندورة
وبنحركهم منيح
وبنضيف ملح وفلفل أسود وبهارات وشوية صغيرة قرفة
وبنضيف شوية مي وبنخليهم على النار لحتى يغلوا ويستووا
بنكون بهالوقت بشرنا الجبنة
والمعكرونة بتكون انسلقت
بحط عالمعكرونة مي باردة عشان ما تلزق بعدين بشيلها وبحطها بصينية
ولما تستوي الخضرة بضيفها على المعكرونة وبحركها على النار شوي وبفردها بالصينية
وبعدين بنضيف عليها الجبنة وبنحطها بالفرن لحتى تتحمر

وصحتين وعافية

أكيد من تحت يدك راح تكووووووووووون لذيذة

معناها بعمللكم ياها وتفضلوا

يسلموووووووووو

كلك ذووووووق