أهلا وسهلا بك

في بيت شباب فلسطين الثقافي

نتائج توجيهي يوم الاحد...أسرة' بيت شباب فلسطين الثقافي تتمني لكافة الطلاب النجاح والتوفيق

البيت بيتك وفلسطين بيتك

وبشرفنا تسجيلك


 
الرئيسيةالرئيسية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخول  
بيت شباب فلسطين الثقافي ...يرحب بكم ...اهلا وسهلا
المواضيع الأخيرة
» حوار حول آل البيت
أمس في 15:30 من طرف رضا البطاوى

» حوار حول أسماء الله
الإثنين 5 ديسمبر - 15:34 من طرف رضا البطاوى

» حوار عن الكبائر والصغائر
الأحد 4 ديسمبر - 16:35 من طرف رضا البطاوى

» حوار حول التقمص
الأحد 4 ديسمبر - 0:37 من طرف رضا البطاوى

» حوار عن النار
الجمعة 2 ديسمبر - 15:55 من طرف رضا البطاوى

» حوار فى الشفاعة
الخميس 1 ديسمبر - 16:40 من طرف رضا البطاوى

» حوار عن التكفير
الأربعاء 30 نوفمبر - 16:34 من طرف رضا البطاوى

» حوار عن علم الله
الثلاثاء 29 نوفمبر - 15:08 من طرف رضا البطاوى

» حوار عن الطاعة
الإثنين 28 نوفمبر - 15:07 من طرف رضا البطاوى

تابعونا غلى تويتر
بحـث
 
 

نتائج البحث
 
Rechercher بحث متقدم
سحابة الكلمات الدلالية
الحكيم الانجليزية اغنية كرسي جميله تحميل لعبة المزعنن الدجاج توقيع الحب القدس توفيق موضوع المنتدى الاعتراف الساهر بالغة امتحانات حكايات مراد عباراة مواويل العاب كاظم للايميل
أفضل 10 أعضاء في هذا المنتدى
sala7
 
خرج ولم يعد
 
rose
 
أحلى عيون
 
البرنسيسة
 
Nousa
 
اميـــ في زمن غدارـــرة
 
ملكة الاحساس
 
رضا البطاوى
 
لحن المطر
 
عدد الزوار

.: عدد زوار المنتدى :.


شاطر | 
 

 طفلتان في ثلاجة الموتى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sala7
المدير
المدير


ذكر
الحمل
عدد الرسائل : 13062
العمل/الترفيه : معلم لغة عربية ، كتابة وقراءة
نقاط : 30072
الشهرة : 6
تاريخ التسجيل : 07/05/2008

بطاقة الشخصية
ألبوم الصور:
0/0  (0/0)

مُساهمةموضوع: طفلتان في ثلاجة الموتى   الأربعاء 21 يناير - 23:47


صباحاً : تنازعتا على سندويشة "الزعتر"، وتضاحكتا، ووخزت إحداهما الثانية في خاصرتها !
ظهراً : تقرآن درس "الحساب" معاً، وتتراشقان بوسادتين !
عصراً : تنامان كأي حمامتين ذبيحتين على وسادة معدنية في ثلاجة الموتى !!
.. لم يصل بهما الحمار إلى أي مرفأ، ولم تمدّ المذيعة الحزينة كفّها من الشاشة لتنتشلهما من فم الموت، .. تقول الصغيرة للشقيقة : برد كتييييير يا هيا !! لماذا القبر هكذا بارد ويلمع مثل الحديد ؟
- "لما" هذا ليس القبر يا حبيبتي .. هذه ثلاجة المستشفى ، التي كنا نراها على التلفزيون !!
- هل سترانا "بنات صفّنا" اليوم على التلفزيون ؟!
- طبعا ، نحن الآن شهيدتان !!
- معقول ؟ انا شهيدة ؟ أنا لسه صغيرة هيا !! كنت حابة أصير دكتورة مو شهيدة !!
- نامي الآن ، غدا سنذهب الى الله ، لازم نصحى بكير!!
- هيا .. بتعتقدي مات الحمار؟
- بيجوز.. بس بتعرفي؟ انا كنت حابّة أكمل المسلسل قبل ما أموت ، نيّالهم سماح وعلا رح يعرفوا شو رح يصير بالآخر!
- ما في تلفزيون بالجنة ؟؟ بنشوفه هناك !
- شفتي شو حلوة طاقية "احمد قريع" امبارح ع التلفزيون ؟
- ههههههه... اه بس ما بتدّفي كتير
- تعالي لصّقي فيّ .. قرّبي أكتر حبيبتي..
- هيا.. ليه بيظلّوا يفتحوا علينا باب الثلاجة ؟
- عشان المصورين بيصوروا الشهدا
- طيب هلّا بكرة عند الله رح يحطّوني بالنار؟
- ليه انتي شو عاملة "لما" ؟
- بتعرفي الاسبوع الماضي أخذت قلم اياد وما رجعته ، خايفة الله يكون زعلان مني
- لا حبيبتي ما تخافي .. اياد أخوك وهلا بيكون يدعيلك ويقرألك الفاتحة والله رح يسامحك
- بكرة اي ساعة رح نطلع؟
- ما بعرف بالزبط لأنه في شهدا كتير كان اليوم ، ورح يكون زحمة كتير
- صحيح هيا صحيح !! ممكن بكرة نسأل عن الشيخ احمد ياسين ونسلم عليه هناك
- آه طبعا، وانا بدي أروح أسلم على "أبو عمار" كمان
- آه أنا بعرفك طول عمرك بتحبي جماعة فتح أكتر
- لأ مو هيك بس إنتي بتحبي حماس كتير.. مستغربة ليه!
- مو بابا كان بيحبهم انا كمان بحبهم
- بس ماما كانت بتحب فتح أكتر
- هيا .. ليه ما بيجبولنا أكل هون؟؟
- شو أكل ؟؟ إحنا ميتات يا حبيبتي !! مالك إنت؟
- ميتات ؟؟؟ مو حكيتيلي قبل شوي شهيدات؟؟ انا جعانة ؟
- اصبري للصبح بتاكلي بالجنة
- ما بدي خلص بطلت أستشهد !! بدّي أروّح !! افتحيلي بدي أطلع ..
- وين بدك ترجعي يا مسكينة ؟
- على بيتنا !!
- بيتنا تهدم حبيبتي وما ظل منو اي حجر
- بنتخبى بالجامع
- الجامع هدموه كمان
- طيب وين راح "الحمار" ؟؟ وين تخبّى ؟!
- "الحمار" بيدبر حاله !! ما تخافي عليه
- يعني خلص ما رح نرجع ع البيت ؟
- لأ ! هلّا بيتنا عند الله !!
- أحسن .. في هناك مدارس؟؟
- لأ .. ما تخافي
- طيب في حرب ؟؟
- ما بعرف !! يمكن !!
- بتعرفي انا خايفة كتير على بابا
- ليه؟؟
- امبارح كان يحكي انو العرب بدهم ايانا نعمل انتفاضة تالتة .. وخايف يموت فيها
- شو يعني انتفاضة ؟
- يعني فلسطينية كتيييييير يموتوا
- وشو بيصير بعدها ؟
- ولا شي !!
- كيف ولا شي يعني ؟؟
- ولا شي !!
- طيب ليه العرب بدهم ايانا ننتفض من جديد ؟
- عشان يحسوا انو احنا بنموت واحنا بنحارب مو واحنا نايمين
- وهم شو بيفرق معهم ؟
- بيكونوا مرتاحين اكتر !!
- يا حرام العرب كتييير بتعبوا وهم يصرخوا ع التلفزيون .. أنا بحزن عليهم !!
- طيب احنا ليش اسرائيل بتكرهنا ؟
- اووف .. انت ليه اليوم اسئلتك كتيرة ؟؟
- زهقانة !!! ما في تلفزيون ولا أكل .. وبرد كتييير
- خلينا بحالنا هلا وقت تلفزيون
- شفتي خطيب الجامع ع التلفزيون؟ كان يدعيلنا كتير
- ولك هاد مو خطيب الجامع هاد رئيس حماس !!
- طيب شو يعني المقاومة اللي كان يحكي عنها ؟
- يعني انو ما تهربي من الصاروخ زي ما كنتي بدك تعملي
- يعني هلا هو ما بيحب اياد لأنو هرب من الصاروخ؟!!
- ما بعرف بس اياد ما بيعرف يقاوم
- طيب هو الشيخ كيف بيقاوم ؟؟
- اوووف !! شو بعرفني اسأليه !!
- بيرموا صواريخ صغيرة ع اسرائيل .. صح؟؟
- اه ..
- طيب هاي ما بتنفع.. ما بتصيب حدا
- شو رايك انتي يعني ؟؟
- ما عندو صواريخ كبيرة تقتل كل اسرائيل ؟
- لأ ما عندو
- طيب كيف عرف يطرد جماعة امك الفتحاوية من غزة ؟
- هاد موضوع تاني .. انتي ما بتفهمي فيه اسكتي احسن
- ما بدي اسكت .. بدي افهم انا ليش متت ؟؟
- عادي يعني .. مو احنا دايما بنموت ؟
- بس الحمار هرب .. ما مات ..
- لأنه حمار !!
- بتعرفي امبارح شفت "بقج الملابس" اللي بعثوها العرب .. حلوة كتيييييير... لو ما متنا كان طلعلي فستان ولا لعبة
- شو هالصوت ؟؟؟ سامعة الضجة ؟
- شكله الممرض فاتح التلفزيون .. هاي مظاهرات عشان احنا متنا..
- يعني هلا بيكتبوا عنا شعر زي محمد الدرة ؟
- اه بس يا خسارة " درويش" مات .. مين رح يكتب ؟
- عندي فكرة !! بكرة بشوف درويش عند ربنا وبخلّيه يكتب قصيدة النا لحالنا ما حدا يقرأها غير انا وانت
- فكرة حلوة
- طيب احكي للممرض يحط ع المسلسل !!
- كيف احكي ؟ انا ميتة مثلك !!
- طيب هلا بس ينام الممرض رح انزل من هاد الجارور شوي شوي .. ع السُكّيت .. وأهرب ع البيت
- لأ .. اوعي .. بيشوفوكي وبيطخوكي كمان مرة
- ليه ؟؟ بشوف الحمار وين اتخبى وبتخبى مثله
- بيزعل منك شيخ الجامع ؟
- طيب هو شيخ الجامع ليه قاعد جوا التلفزيون ؟ ليه مو معانا ؟
- اوووف .. انتي بدك تخربي بيتنا بكلامك ؟؟
- انتي مو حكيتي بيتنا تهدم ؟؟
- اه بس قصدي .. خلص اسكتي..
- يا الللله لو اني هلا بالبيت كنت عملت سندويشة لبنة ...
- شو بالك فاضي !!
- طيب خطيب الجامع بيحب سندويشة اللبنة ؟؟
- لأ هو ما بيحب غير الصمود .. بس
- يا اللللله .. يعني شو اعمل حاسّة بدي أموت ع سندويشة لبنة

_________________
تحياتي:


العقول الكبيرة تبحث عن الأفكار..

والعقول المتفتحة تناقش الأحداث..

والعقول الصغيرة تتطفل على شؤون الناس..


مدونة /http://walisala7.wordpress.com/
الرجوع الى أعلى الصفحة اذهب الى الأسفل
http://salah.d3wa.com
 
طفلتان في ثلاجة الموتى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الأدبيااااات :: غرفة حكايات جدتي "قصص روعة"-
انتقل الى: