عجينة التارت

عجينة التارت








عجينة التارت بتختلف المقادير من طريقة لأخرى .. لكن حسب تجاربي بالاخير كلها بتكون نفس النتيجة والطعم تقريبا (وانا بفضل اللي بيكون فيها بيض طعمها بيكون ألذ) .. المهم تكون هشة عند اكلها وما تتكسر بمجرد لمسها وطبعا ريحتها وطعمها يكون لذيذ .. انا جربت هاي الطريقة كانت تقريبا أسهل وأفضل نتيجة طلعت فيها ولذيذة بعد .. ان شاء الله بتجربوها وتنجح معكم .

المقادير:
½1 كوب دقيق
¼ كوب سكر
¼ م ص بكنج باودر
1/8 م ص كربونات الصوديوم
6 م ط زبدة باردة (حوالي ¾ اصبع)
1 بيض
½ م ص فانيليا

الطريقة:
ضعي المقادير الجافة في الفود بروسسر أو باليد واخلطيهم ..

ضيفي الزبدة واخلطي حتى يصبح شكل الدقيق رملي .. (أو افركي باطراف اصابعك الزبدة بالدقيق حتى تختلط وتصبح رملية)

اضيفي البيض والفانليا واخلطي ( إذا ما بتحبي البيض اضيفي بدل البيضة حوالي 4 – 5 م ط ماء بارد .. لكن اضيفيهم بالتدريح يعني ملعقة ملعقة حتى تصلي إلى القوام المناسب يمكن ماتحتاجيهم كلهم وممكن تحتاجي زيادة حسب نوع الدقيق انا استخدمت الدقيق الكويتي) لا تزيدي بالخلط بمجرد ان يكون شكل العجينة كالحبيبات .. واذا اخدت قطعة وضغطي عليها تتشكل معك .. في حال ما تشكلت العجينة معك ضيفي ملعقة صغيرة ماء وهكذا حتى تصلي إلى القوام المناسب .. والسبب ان الطحين ما بيكون في كل الاماكن نفس النوع او ممكن الرطوبة تأثر عليه .. المهم زيدي الماء بالتدريج نص ملعقة كل مرة .


في هذي الصورة ضغطت على قطعة وعملت شكل ..

جهزي بلاستيك تغليف .. ضعي العجينة فوقها .. لاتعجني ولكن ضميها بيدك على شكل قرص دائري .. غلفيها وضعيها بالثلاجة لمدة ساعة ترتاح او اكثر .. اخرجهيا من الثلاجة قبل ربع ساعة من تجهيزها للخبز حتى تلين قليلا ويسهل عليكي فردها .


عندما تجهزي للخبز .. شعلي الفرن على 180 مئوي / 350 فهرنهايت / رقم 4 .. افردي العجينة بسماكة ½ سم (المهم ما تكون سميكة) (انا عادة بفردها بين ورقتين شمع كتير اسهل وما بتلزق .. كل ما تفرديها شوي اقلبيها وانزعي ورقة الشمع واعيدي الورقة وافردي وهكذا حتى تفرد معك ) قطعيها دوائر كبيرة اكبر من حجم قالب التارت (او اذا قالب كبير افرديها اكبر من قياس القالب) .. في حال كانت العجينة مش كتير ناجحة مثل انها بتتفتت او اي سبب كملي وشكليها بالقوالب من تجاربي بعد الخبز ان شاء الله كله ما بيظهر .


ضعي دائرة العجين داخل القالب مع ضغط خفيف وحاولي تخرجي اي هواء بيكون بين العجينة والقالب .. واذا تمزقت من جانب او نقصت العجين .. عادي جدا خدي قطعة من العجينة والصقيها .. بعد الخبز ما رح يظهر شي . (وممكن ايضا تاخدي قطعة بحجم حبة الجوز وتفرديها مباشرة على قالب التارت مع مراعاة ما تكون سميكة) .. انزعي الزوائد بضغطها براحة يدك حتى تاخد الشكل وانزعي الزوائد .. ممكن بعد الانتهاء تعملي ثقوب بالشوكة عشان ما تنتفخ العجينة انا ما عملتها .. بس اعتقد اذا كان القالب كبير الافضل تقومي بهذه الخطوة .

او في طريقة ثانية انك بعد ان تضغطي العجينة بالقالب تجيبي قالب ثاني نفس الشكل وتلفيه بنايلون تغليف الأكل وتضغطيه فوق العجينة .. حتخرج كل العجينة الزايدة .. اضغطي على الزوائد براحة ايدك او بابهامك وانزعيهم ..

ضعي القوالب على صينة خبز .. واخبزيها لمدة 12 – 15 دقيقة .. على رف اعلى من وسط الفرن .. وبعد مرور 8 دقائق تقريبا لفي الصينية بحيث تجعلي الامام بالخلف والعكس .. لأن غالب افراننا بيكون جانب احمى من جانب .. اخرجيها عندما تصبح اطرافها ذهبية اللون .. واتركيها تبرد ثم اخرجي كل حبة من القالب .. حتخرج معك بسهولة باذن الله بمجرد قلب القالب .


استخدميها فورا او احتفظي بها في حافظة بلاستيك حتى وقت الاستخدام .